| 星期六做完facial 返嚟，媽咪同我鬧咗我一大餐，其中一句，「女仔係有毒架」，類似《倚天屠龍記》入面，張無忌媽媽同佢講，千祈唔好信女人，尤其是靚既女人。
一切只怪我太心軟，令媽媽覺得我聽出面啲人講野都唔聽佢講，又講到我成日都唔喺佢身邊，一返嚟就出去駛錢，我同佢講下年返嚟香港，佢先軟化同收細音量。
令我覺得始終對媽媽有所虧欠，是不是對街外女仔仁慈就是對媽媽殘忍，其實不是，只是錢可以用在更意義的地方。
媽咪另一精句係，「點解人哋賺我哋錢咁易，我哋賺人錢咁難」，其實唔係，係我有陣揾錢太易，試過新股一日賺幾千，去教人做cmm measurement 一日兩千，加上成日返工都唔洗做粗重工夫，也許上天對我太看顧，令我有時忘記上一代的辛勞，洗大咗。
雖然我人在異鄉，揾得唔多，但唔駛憂柴憂米，都唔係太辛苦。
守財，是我下一個重要的成長關口，大部份信用卡會成為陳列品或者消失。可以與錢有關係的女人，只有媽媽和將來的太太。
我不知道何時可以越過這一成長關口，但願不遠，大概是一種定力和堅決的磨練。 |
| |
| 九月十八日 陰 早上及晚間清涼
尋晚同Arthur 去證大廣場食飯，佢第一次上嚟就得一個人，不過佢鍾意solo travel 都ok既，聽日再call 佢啦。
唔知做乜，尋日買咗兩手中移動，又唔係平，今朝升咗少少冇放，又坐艇，定咗止蝕位同最長一個月持有期。
見阿簫籌款，啱啱應承咗返去捐俾佢，做善事，我通常都唔會手軟，又記低先得。
倒數重有十二日返香港，明白自己其實鍾意frequent travel 唔係長駐，keep 住send 信，最遲十二月點都要同老細講。
|
| |
| 九月十六日 陰，剛下雨
前兩日，有個幾年冇見既女仔揾我一齊做facial，覺得怪怪哋，尋晚同佢問吓佢詳細啲既野，講明唔會買野，到時見步行步，始終我都算有啲經驗。
還有半個月回家，這個月特別想家，發了幾封求職信，prototype 仍未做好，有點不負責任，覺得最大虧欠的是德國老工程師和同住的老細。
今天想過，如果十二月，媽媽生日時，我人在上海，會打去葛文輝既但願人長久，祝佢生日快樂，當然希望自己當時會在香港。與其記掛女仔既生日，不如在媽媽生日給她一個驚喜。畢竟這二十幾年來，都是全賴她的照顧、關懷和體諒。
最想以《愛回家》為聆聲時，偏偏沒有。
|
| |
| 九月十一日 晴
九一一事件八週年，美國仍是世上最有影響力的國家，願所有因九一一事件的亡魂安息。
今朝知道自己facebook 可能中咗毒，send 咗個廣告俾emma，在此致歉，稍後聯絡上emma或bosco 再say sorry。
因為太消極關係，set 咗1.3放中國生命，無賺無蝕，結果升到1.65，賺少咗千幾，命裡無時莫強求。
剛剛想抽中冶金，點知system under maintainence，稍後再試吧！
今晚煲燶粥，但食得，係爐頭大味，碗粥又ok。 |
| |
| 九月十日 晴
今日終於今個星期第一日行返廠，某程度因為尋日的士司機寸我普通話不行，一日之始，唔老黎。
今日查明採購買錯profile，同個主管講，重話唔影響裝配就得，我重佢講，就係影響嘛。
採購部亂買材料，似乎連工程部主管都無符，「他們只根據外圍尺寸買，無固定供應商，改圖紙都唔改得幾多」
採購部不根據圖紙買材枓，那麼是採購設計還是我設計、工程部設計呢？無奈
總之，十一返香港都唔會砌到，唔理星期六出去睇曼城對阿仙奴和熱刺對曼聯。
|
| |
